गायक प्रेमराजा महत र उनकी जीवन संगीनीलाई कोरोना संक्रमण

वरिष्ठ लोकगायक प्रेमराजा महत र उनकी जीवन संगीनी कविता केसी महत कोरोना भाइरसबाट संक्रमित भएका छन् । अमेरिकामा बस्दै आएका उनीहरुमा कोरोना संक्रमण भएको हो ।

महतले अगस्त ७, शुक्रबार दिउँसो करिब ३ बजे सामाजिक सन्जाल फेसबुकमार्फत् आफू र पत्नी दुवै संक्रमित भएको जानकारी दिएका छन् । आफुहरु जोगिदा जोगिदै पनि दुर्भाग्यबस कोरोना संक्रमणबाट जोगिन नसकेको बताएका छन् ।

उनले आफ्नै घरको एउटा–एउटा कोठामा आइसोलेसनमा बसेको दम्पतीलाई उनकै छोरा डा. सरगम महतको निरीक्षण र निगरानीमा गरिरहेका छन् । उनले कोरोना संक्रमणबाट जोगिन समयमै सतर्कता अपनाउन आग्रह गरेका छन् । यदि संक्रमण भएको खण्डमा गोप्य नराख्न पनि अनुरोध गरेका छन् ।