विपिन कार्की अभिनित ‘डर छैन’ सार्वजनिक

अभिनेता विपिन कार्की अभिनित ‘डर छैन’ बोलको म्यूजिक भिडियो सार्वजनिक भएको छ । सार्वजनिक भएको गीतमा सन्तोष लामाको स्वर, हरि लम्सालको संगीत, नारायण गौतमको शब्द रहेको छ ।सार्वजनिक भएको गीतको भिडियोमा विपिनले एक दुखि भरियाको भूमिकामा देखिएका छन् ।

विपिनले दिनभर काम गरेर छाक टार्ने र पैसा नहुँदा चामलै खाएर रात बिताउने कथामा जिवन्त अभिनय गरेका छन् । भिडियोमा विकास धमलाको सम्पादन, हरि हुमागाँइको छायांकन रहेको भिडियोमा विपिनका अलवा लोकमणी सापकोटालाई पनि देख्न सकिन्छ । भिडियोलाई निकेश खड्काले निर्देशन गरेका छन् ।