पूर्ण र मेलिनाको गीतमा दयाहाङ र रेबिकाको ठुम्का

फिल्ममा चलेका केही कलाकारहरु म्युजिक भिडियोमा व्यस्त देखिएका छन । लकडाउन खुकुलो भएसंगै अभिनेता दयाहाङ राई पनि म्युजिक भिडियोमा नाचिरहेका छन् । एकपछि अर्को म्युजिक भिडियोमा अभिनय गर्दै आइरहेका दयाहाङको अर्को म्युजिक भिडियो आइतवार गोदावरीमा छायांकन गरिएको छ ।

समाजसेवी तथा गायक पूर्ण लिम्बु र मेलिना राईको स्वरमा रहेको गीतमा दयाहाङ र रेबिका गुरुङ फिचर छन् । मिलन चाम्सको निर्देशनमा बनेको भिडियोलाई सुदिप बरालले छायांकन गरेका छन् । उक्त गीतमा प्रेमकृष्ण बजगाईको शब्द तथा सांगेत रहेको छ । उक्त गीतको भिडियो बिजया दशमीको अवसरमा सार्वजनिक गरिने निर्देशक चाम्सले बताए ।