अमृत र सिर्जनाको ‘चितामा दागबत्ति’

गायक अमृत आचार्य (माइला गुरु)ले सांगीतिक कोसेली दर्शक तथा स्रोता माझ लिएर आएका छन् । उनले हालै ‘चितामा दागबत्ति’ बोलको गीत बजारमा लिएर आएका हुन् । गीतमा यदि म अकालमा नै मृत्युको मुखमा पुगेछु भने आँशु नझार्नु, सकिन्छ भने फेसबुकको भित्तामा फोटो राखेर श्रद्धान्जली दिनु भन्ने किसिमको भाव समाबेश गरिएको छ ।

यस गीतमा अमृत आचार्य (माइला गुरु) र सिर्जना हुमागाईंको सुमधुर स्वर सुन्न सकिन्छ । गीतलाई लय तथा शब्द सिर्जना शिशिर शर्माले तयार पारेका हुन भने गीतको म्युजिक भिडियोमा अमृत आचार्य माइला गुरु, शिशिर शर्मा, रीतिका अर्याल र बाल कलाकारहरु आयुष आचार्य, अश्मिता आचार्य, मनिषा पुलामी मगरको अभिनय देख्न सकिन्छ ।

भिडियोलाई निर्देशन प्रकाश क्षेत्रीले गरेका हुन् भने छायांकन जयन्द्र रावल र सम्पादन मिडिया पिक्चर्स नेपालले गरेको छ । उनले यस भन्दा अगाडी ‘ मलाई माया गछ्र्यौ कसरी, पछुतो, दशैं आउँदा हुन्छ के गरौँ, मेरो को छ र ’ लगाएतका गीतहरु बजारमा ल्याइसकेका छन् ।