निरुतालाई बोलेनी पिर, नबोलेनी पिर

अभिनेता भूवन केसीलाई मनको महानायक भनिदिइन् अभिनेत्री निरुता सिंहले । निरुताले मनको महानायक भन्दा दर्शकले महानायक त भूवन केसी हुन् भनेर वुझेछन् ।

राजेश हमाल फिल्म क्षेत्रमा नआउँदा नै हो कथा । भूवन केसीका फिल्म हिट थिए । निरुता दार्जिलिङ्गमा बसेर उनका फिल्म हेर्दै थिइन् । पछि, दक्षिणा फिल्ममा भूवनकै हिरोइन भइन् ।

निरुताले मनमनै आफ्नो महानायक सोचिन्, भूवनलाई । यही कुरा थियो व्यक्त भएको । भूवन केसीको पक्षमा कुरा गर्दा उनले राजेश हमाल महानायक होइनन् भनेकी थिइनन् । तर, वुझ्नेले कुरा नवुझेपछि के लाग्छ र ?

सामाजिक संजालमा गाली सुरु भयो । निरुताले आफूले महानायक राजेश हमाल होइनन् भनेर कहिले नभनेको भनेर स्पष्टिकरण दिनपर्यो । भूवन केसीलाई मनको महानायक पनि भन्न नपाउने भन्नुपर्यो ।

भूवन केसीको बारेमा बोल्न मन लाग्यो बोलिन्, तर फसिन् । तर, तर्क त राख्न पाइएला नी ।