टिकटकमा रमाउदै सुपुष्पा

फिल्म ‘रणवीर’ डेब्यु गरेकी सुपुष्पा भट्टले केहि फिल्ममा अभिनय गरेकी छन् । उनको डेब्यु फिल्मले गतिलो व्यापार नगरेता पनि दर्शकको नोटिसमा परेकी अभिनेत्री भने पक्कै हुन् । उनले यहि फिल्ममा अभिनय गरेपछि फिल्म ‘ छ माया छपक्कै ’मा अभिनय गर्ने अवसर पाइन् । जुन फिल्म नेपालकै सर्वाधिक हिट फिल्ममा गनियो ।

यो फिल्मपछि उनी  अभिनित  फिल्म गत चैत २८ ‘चपली हाइट ३’ गते चल्ने तरखर गर्दै थियो तर कोरोना भाइरसको त्रासका कारण फिल्म हलमा चल्न पाएको छैन । तर त्यस पश्चात कुनै फिल्मको पनि सुटिङ भएको छैन । तर उनी अहिले ब्यस्त नै रहेकी छन् । उनी फिल्ममा ब्यस्त नभएर टिकटक बनाएर दर्शकको मन जितिरहेकी छन् ।

उनलाई रमाउनलाई डान्स र टिकटक बाहेक अरु केहि चाहिदैन । उनको सामाजिक सञ्जाल मार्फत प्रस्ट भइसकेको छ । उनका हातमा अहिले म्युजिक भिडियो पनि छैन । फिल्म त सुटिङ हुने कुरै भएन । पछिल्लो समय दर्शकलाई मनोरञ्जन दिने भनेको नै टिकटक त हो नी । जे जसरी भएपनि दर्शकलाई मनोरञ्जन गराउन, टिकटक बनाउनै पर्यो नि हैन त सुपुष्पा जी ।