महानायक विवादमा अनुपको पूर्णविराम

महानायक विवाद अन्त्य होला ? राजेश हमाल महानायक होइनन् भनेर अब कोही व्यक्तिले तर्क देलान् कि नदेलान् । राजेश हमालको क्रेज पुष्टी गर्न अब अरु कुनै तर्क पेश गरिराख्न जरुरी नै छैन । हमाल फिल्म क्षेत्रमा सबैभन्दा शक्तिशाली मानिस हुन् । नेपाली फिल्ममा अर्को राजेश हमाल सायदै अब जन्मिएलान् । किनभने, हमालपछि आएका हिरोहरुले केही बर्ष मात्र क्रेज बनाए, हराएपछि दर्शकले नै विर्सिए ।

फिल्म खेलुन् कि नखेलुन्, हमालको क्रेज कसैसँग तुलना गर्न नसकिने छ । महानायकको बहस चल्दा अभिनेता अनुप विक्रम शाहीले भने यसमा पूर्णविराम लगाउने कोशिश गरेका छन् । उनले, अभिनेता हमालसँगको फोटो राखेर नेपाली फिल्मको एक मात्र महानायक भनेका छन् । एक मात्र भन्नुको अर्थ, अब यसमा अरुले दाबी वा विरोध नगरे हुन्छ भन्न खोजिएको हो । अनुपले त महानायक अरु कोही होइनन्, राजेश हमाल मात्र हुन् भनेर पूर्णविराम लगाइदिए ।