बेनिशाको ग्रुप चेन्ज ?

अभिनेत्री बेनिशा हमालको मिल्ने साथी को हुन् ? फिल्म लाइनका मानिसलाई थाहा छ कि, केकी अधिकारी र रीमा विश्वकर्मा । तिनै जनाले स्वर भन्ने फिल्मबाट नै काम सुरु गरेका थिए । अग्रस्थानमा केकी अधिकारी छिन् अहिले । रीमा र बेनिशा हराएका छन् यसै यसै ।
रीमा र केकीले कमेडी च्याम्पियन सुरु गरेपछि बेनिशा एक्लिइन् । तर, उनीहरुको मित्रता बारम्बार झल्किन्छ पनि ।

अभिनेत्री बेनिशा हमालको जन्मदिनमा दुई अभिनेत्री देखिए । एक स्वस्तिमा खड्का, दुई वर्षा राउत । साथमा निर्देशक निश्चल बस्नेत र कलाकार संजोग कोइराला पनि थिए । बेनिशाको नजिकको साथीको रुपमा वर्षा र स्वस्तिमा खासै देखिएका थिएनन् । यसपटक जन्मदिनमा देखिए । फोटो हेर्दा बेनिशाको सम्बन्ध केकी र रीमा भन्दा वर्षा र स्वस्तिमासँग घनिभुत भए जस्तो लाग्छ । के बेनिशाको ग्रुप चेन्ज भएको हो त ?