मनोजको ‘जुनी जुनी’ रिलिज

प्रेममय गीत ‘जुनी जुनी’ रिलिज भएको छ । एरेञ्जर तथा संगीतकार मनोज चौलागाईले आफ्नै युट्यूव च्यानल ‘हाइ नोट’बाट गीत रिलिज गरेका छन् । गायिका अञ्जु पन्त र गायक कौशलराज खड्काको संयुक्त स्वर रहेको जुनी जुनीमा गायक खड्का आफै फिचरिङ समेत भएका छन् । साथै उनलाई ऋचा थापाले साथ दिएकी छिन् ।

गीतको शब्द हस्त गौतम मृदुलले लेखेका हुन् भने रेकर्डिष्ट राजेश श्रेष्ठ हुन् । किशोर थापाले मिक्सीङ तथा मास्टरिङ गरेका हुन् । ए वान म्युजिसियनमा गीत रेकर्डिङ् तथा मास्टरिङ गरिएको हो ।गीतको भिडियो निर्देशक सियोन श्रेष्ठ हुन् । धुलिखेलको रमणीय दृश्यमा छायाँङ्कन गरिएको गीतलाई मुकेश हुमागाइले खिचेका हुन् । कविता तोलाङ्गीको श्रृंगार रहेको जुनी जुनीमा नविन निरौलाको रंग संयोजन तथा सम्पादन रहेको छ ।