बल्ल अनुपको सोच बदलिएछ

हतार गर्दा काम लतार हुन्छ । फिल्ममा काम गर्ने कलाकारलाई जति यो कसलाई थाहा हुन्छ । हतारमा काम गरेर फुर्सदमा पछुताउने कलाकारको संख्या लामो पनि छ । कलाकार पछुताउन त पछुताउँछन्, तर करिअर नै संकटमा पुगेपछि पछुताउँछन् ।

३५ बर्षमा प्रवेश गरेका अभिनेता अनुप विक्रम शाहीलाई धेरै फिल्म गरेर गल्ती गरेछु भन्ने लाग्न थालेको छ । उनले, अब कथा हेरेर फिल्ममा काम गर्ने बताउन थालेछन् ।

अनुप विक्रम शाही हिरो, भिलेन सबैमा ठिक भैदिए । अफर आएका फिल्म गरिदिए । दर्शकले उनको फिल्मलाई पत्याउँदै पत्याएनन् । अब, लकडाउनपछि मात्र उनको सोचमा परिवर्तन आएको हो कि ? अनुप विक्रम शाहीले अब फिल्म छानेर खेल्ने बताउन थालेका छन् । यो सोच सधै रहिदिए त राम्रो हुन्छ । तर, पैसा देख्दा महादेवको ३ नेत्र पनि भन्छन् ।

भोली फिल्मको काम सुरु भएपछि पैसा राम्रो आएपछि नेत्र बलेर फिल्म धमाधम खेल्न थाल्ने हुन् कि अनुपले । तर, यदि जन्मदिनमा नै यो सोच आएको हो भने त राम्रो सोच हो । टिक्न चै पर्छ है सोच ।