अब विवादको पालो साम्राज्ञी–शोभितको

विवादको कोही कलाकार छन् यो फिल्म क्षेत्रमा जसलाई विवादमा आइरहन पाए पुग्छ । विवादमा आउँदा फाइदा हुने कलाकार पनि छन्, वेफाइदा हुने कलाकार पनि छन् ।अभिनेता भूवन केसी र अभिनेत्री साम्राज्ञी राज्यलक्ष्मी शाहको विवाद सेलाउँदै छ । तर, निर्देशक शोभित बस्नेत र अभिनेत्री साम्राज्ञीको विवाद चर्किदै छ ।

जे जे गरेर भएपनि फिल्म क्षेत्रमा विवाद त कम हुने कुरै छैन । एउटा नबोले अर्को त बोलिहाल्छन् । निर्देशक शोभित बस्नेत आफ्नो छोराको साथी रहेकी अभिनेत्री साम्राज्ञीलाई जवाफ दिइरहेका छन् । भूवनसँग विवादमा उत्रिएकी साम्राज्ञीलाई शोभितले जवाफ किन दिनुपर्ने थियो र ? तर जमाना चर्चाको छ । शोभितले रिक्सा चढ्ने यूवतीलाई भूवनले कार चढ्ने बनाइदिए भनेर अन्र्तवार्ता दिए ।

शोभितलाई जवाफ दिन साम्राज्ञीले इन्स्टाग्रामकै सहारा लिइन् । उनले, शोभितलाई चिन्दिन समेत भनिदिइन् । उनले त कस्ता कस्ता मान्छे मेरो विरुद्धमा लाग्छन् पनि भनिन् । आक्रोशित साम्राज्ञीले शोभित बस्नेतलाई निकै नै सस्तो सोच भएको मानिस पनि भनिन् । अब, यसको जवाफ फेरि शोभितले फर्काउलान् नै । अब, पालो शोभित र साम्राज्ञीकै होला नी त ।