माया टेष्ट गर्दै सरोज र आश्मा

गायक विश्व नेपालीको स्वर रहेको नयाँ गीत सार्वजनिक भएको छ । आइतबार सार्वजनिक गरिएको ’टेष्ट गरौँ’ बोलको गीतमा एक नारयण भण्डारीको शब्द रहेको छ । गीतमा संगीत तथा संयोजनको काम आशिष अभिरले गरेका छन् । डान्सिङ शैलीमा तयार भएको यस गीतको भिडियोमा नृत्यबाट नै चर्चामा आएको ’कार्टुन क्रु’का मुख्य दुई सरोज अधिकारी र आश्मा विश्वकर्मालाई फिचर गरिएको छ ।

प्रेम प्राप्तिका लागि एक युवाले गरेको सङ्घर्षलाई भिडियोको मुख्य विषयबस्तु बनाइएको छ । ट्रि इन्टरटेन्टमेन्टको प्रस्तुती रहेको भिडियोलाई शान थापाले निर्देशन गरेका छन् । भिडियोमा राजिव समरको नृत्य निर्देशन रहेको छ । अर्जुन तिवारी डिओपी रहेको भिडियोमा बुद्ध थापाको छायांकन तथा सुप्रिम पराजुलीको सम्पादन रहेको छ ।