जिग्रीले जन्मदिनको अवसरमा भने,‘दुवईमा अलपत्र परेकी चेलीको उद्धार गर्छु ’

हास्य कलाकार कुमार कट्टेल (जिग्री)ले आज जन्मदिनको अवसरमा विदेशमा रहेकी एक नेपाली चेलीको उद्धार गर्ने बचन दिएका छन् । उनले सामाजिक सञ्जालमार्फत युएइमा अलपत्र परेकी झापा घर भएकी एक चेलीको उद्धार गर्ने बताएका हुन् । केहि दलालले ति चेलीलाई ललाई फकाई भारतको बाटो हुदै दुवई पुर्याएपछि उनी अलपत्र परेको बताएका छन् ।

झापा घर भई दुवई पुगेकी उनको अवस्था अत्यन्तै दयनीय रहेको भन्दै आफ्नो जन्मदिनमा खुशियाली मनाउनको सट्टा दुखमा रहेको नेपाली चेलीलाई दुवई बाट नेपाल फर्कन आवश्यक पर्ने प्लेन टिकटको खर्च व्याहोर्ने बताएका छन् । हास्यकलाकारीतामा आफ्नो बलियो पकड बनाएका कुमार पछिल्लो समय सामाजिक काममा पनि व्यस्त रहेका छन् ।

हाँस्य सिरियल भद्रगोलमा जिग्रीको भुमिका गरेर चर्चामा आएका कुुमार पछिल्लो समय सक्की गो नी मार्फत दर्शकमाझ आइरहेका छन् । छोटो समयमा चर्चा कमाउन सफल कुमार यतिबेला उनि धुर्मुस सुन्तली फाउन्डेसनको अग्रसरतामा निर्माण भैरहेको गौतम बुद्ध अन्तराष्ट्रिय रंगशाला निर्माणमा जुटिरहेका छन् ।