चलचित्र पत्रकार संघले दियो उत्कृष्ट लेख रचनालाई पुरस्कार

चलचित्र पत्रकार संघ नेपालले कोरोना भाइरसले नेपाली चलचित्र क्षेत्रमा पारेको प्रभाव, उत्पन्न समस्या र त्यसको समाधानसहितको सोध खोज र वस्तुगत तथ्याङ्कमा आधारित प्रतिवेदन, लेख रचना तथा धारणा संघले आव्हान गरेको थियो । उपल्व भएका लेख रचनामध्ये छनौट समितिले मापदण्ड सहित मूल्याङ्कनको आधारमा ४ वटा लेखलाई उत्कृष्ट ठहर गरेको थियो ।

उत्कृष्ठ ठहरिएर विजेता भएकाहरुलाई आज पुरस्कार प्रदान गरिएको छ । प्रथम भएका ध्रुव लम्साललाई प्रमाणपत्र सहित रु. १५,०००, द्धितिय हुने बिष्णु शर्मालाई प्रमाण पत्र सहित रु. १०,०००, तृतिय र चतुर्थ हुनुहुने क्रमश मनोज न्यौपाने र रीना मोक्तानलाई प्रमाण पत्र सहित रु. ५००० का दरले प्रदान गरिएको छ ।

लेख रचना छनौट समितिका पत्रकार विदुर गिरी, शान्तिप्रिय, दिपेन्द्र लामा, जिवन कुमार पराजुली र समीर बलामीलाई प्रमाण पत्र प्रदान गरिएको छ । कार्यक्रममा संघका अध्यक्ष दिनेश सिटौलाले आगामी दिनमा सदस्यहरुका लागि भिडियो र फोटो पत्रकारितालाई प्रभाव रहने हुँदा त्यस्ता प्रकृतिका कार्यक्रमहरु संचालन गर्ने बताए ।