‘घरघरमा कमेडी’ शोको तयारीमा जुटे ’कमेडी च्याम्पियन’ का तीन प्रतिष्पर्धी

पहिलो रियालिटी शो ‘कमेडी च्याम्पियन’ले दर्शकको मन जित्न सफल भएको थियो । त्यहि कमेडी शोबाट उत्पादन भएका कमेडियनले नयाँ कमेडी शोको तयारी गरिरहेका छन् । उनीहरुले ‘घरघरमा कमेडी’ नाम दिएर अर्को शोको तयारी गरिरहेका हुन् । यस शोमा भाग लिनेले घरैबाट कमेडी भिडियो पठाउनुपर्ने हुन्छ । यसरी पठाएको भिडियोबाट उत्कृष्ट प्रतिष्पर्धिलाई क्रमश अर्को चरणमा लगिने छ ।

पहिलो राउण्ड पार गरेपछि दोस्रो राउण्डका लागि पनि पहिलो जस्तै भिडियो बनाएर पठाउनुपर्ने हुन्छ । यसरी छानिदै लैजाने र अन्तिममा उत्कृष्ट घोषणा गरिने बताइएको छ । शोको विजेताले १ लाख रुपैयाँ नगद पुरस्कार पाउनेछन् । त्यस्तै टप ३ मा पर्न सफल प्रतियोगीहरूले सिधै ’कमेडी च्याम्पियन सिजन २’को टप २४ मा प्रवेश पाउनेछन् । ‘घरघरमा कमेडी’ सोको जजका लागी कमेडी च्याम्पियनका तीन प्रतिष्पर्धीलाई छनोट गरिएको छ । जजमा सुमन कोईरला, सुमन कार्की र मेक्सम गौडेल रहने छन् ।