हैट, पलको भिडियो प्रमोशन

भिडियोलाई सानो भन्न हुन्न । पल शाहले एउटा कार्यक्रममा भने । पल शाहले एउटा कार्यक्रममा भनेको यो कुरा यसै आएको पनि होइन ।
पल शाहले अभिनय गरेको एउटा भिडियो मायालु तिमी कहाँ छौ आज रिलिज हुँदैछ । यो भिडियोका लागि पलले के के गरेनन् ।
भिडियोको छायांकन अघि तयारी गर्न नै ५ दिन लगाए । २ दिन भिडियो खिचे ।

भिडियो सार्वजनिक नहुँदै उनको फेसबुकमा दैनिक यो भिडियोको एउटा न एउटा तस्वीर सार्वजनिक भैरहेको छ । भिडियोको टिजर प्रमोशनदेखि भिडियो निर्माणको समयमा सम्पादन टेबलमा समेत बसे । भिडियो रिलिज अगाडि लाइभ गर्नेदेखि संचारमाध्यममा प्रमोशन गर्ने काम पनि गरिरहेका छन् । एउटा भिडियोको प्रमोशन गर्ने तरिका पलबाट सिक्ने हो कि ? यती प्रमोशन त पलले ३ करोडमा बनेको सिनेमाको प्रमोशनमा पनि दिएका छैनन् होला । जे भएपनि पलको भिडियो मोह हेर्नलायक नै छ ।