राजेश हमाल भनेको बाघ हो : राजेन्द्र खड्गी

अभिनेता राजेश हमालका फिल्म तीन चार बर्ष देखि आएका छैनन् । उनले तीन चार बर्षदेखि यता  कुनै फिल्ममा  अभिनय  गरेका छैनन् र कुनै  पनि फिल्ममा अनुबन्धित पनि भएका छैनन् ।यो महिना महानायकको विषयलाई लिएर भने उनको बढि चर्चा भयो ।  यो विवाद चर्किएपछि उनको सपोर्टमा बोल्दै द्धन्द निर्देशक राजेन्द्र खड्गीले फिल्ममा फर्काउने उद्घोष गरेका छन् । उनले अव बनाउने नयाँ फिल्ममा राजेश हमाललाई खेलाउने बताएका छन् ।

राजेश हमालसँगै काम गरेका राजेन्द्र खड्गीले  राजेश हमाल महानायक नै भएको भन्दै अझै पनि राजेश हमालको फिल्म हेर्न दर्शक हलमा आउने उनको विश्वास छ । कलाकार दीपालाई लक्षित गर्दै भने, ‘राजेन्द्र खड्गी को हो ? राजेश हमाल को हो ,भन्ने हिसावमा आफु लागिसकेको छु । चाँडै भेटेर हामी दुइ छलफल गर्ने छौ ।’

दीपाश्रीले राजेश हमाल छ र भनेको प्रति उनले चित्त दुखाएका छन् । राजेश हमालले फिल्म नखेल्दैमा हराउने भन्ने त होइन नि भन्दै प्रश्न गरे ।
उनले आक्रोश पोख्दै भने, ‘दीपा बैनीलाई धन्यबाद , सुतिरहेको बाघलाई घच्घच्यायौ । तिमीहरु बाघ त बाघै हौ तर हास्य बाघ , डमरु यस्तै यस्तै हो । तर राजेश हमाल सबै कुराले बाघ हो । ’ दीपक र दीपा कमेडी कलाकारको चाही स्टार भएको बताएका छन् ।