रोज रानाको ‘खलनायक २’ भदौबाट फ्लोरमा

नेपाली फिल्मकर्मी पनि फिल्म निर्माणको तयारीमा जुटेका छन् । निर्माता रोज राणाले पनि नयाँ फिल्मको घोषणा गरेका छन् । उनले फिल्म ‘खलनायक २’को छायांकन आगामी भदौबाट थालिने बताएका छन् । यस फिल्मका लागि कलाकार तथा प्राविधिकहरुले कामका लागि प्रेसर दिएको निर्माण टिमले बताएको छ ।

फिल्म ‘खलनायक २’को खलपात्रमा निर्माता रोज राणाले आफै अभिनय गर्दैछन् । यो फिल्मलाई निर्देशक गोविन्द सिंह भण्डारीले निर्देशन गर्दैछन् । रोजका अनुसार ‘खलनायक’मा नायक राजेश हमालले निर्वाह गरेको भूमिकाका लागि भने कलाकार तय गरिएको छैन । फिल्म ‘खलनायक २’ मा नयाँ कलाकार राखिने पनि निर्माणपक्षको भनाई छ ।