फिल्म क्षेत्रका लागि राजेश हमाल नै महानायक र भगवान : पल शाह

नेपाली फिल्म क्षेत्रमा पछिल्लो समय महानायकको विषयलाई लिएर वादविवाद चर्किरहेको छ । राजेश हमाललाई महानायक भन्ने र नभन्ने कुरामा मतभेत फिल्मी बजारमा र सामाजिक सञ्जालमा तर्क वितर्क भइरहेका छन् । अभिनेता पल शाहले महानायक राजेश हमाल नै भएको बताएको छन् ।

उनले सानैमा फिल्मको हिरोमा राजेश हमालकै नाम सुनेको र फिल्म हेर्न पनि राजेश हमालकै धेरै गएको बताएका छन् । त्यो बेलामा अरु हिरोहरुको नाम नसुनेको जवाफ फर्काएका छन् । फिल्महलमा फिल्म हेर्न जाँदा  टिकट नपाएर टिकट लिने भिडमा हातका पाखुरा पिल्साएको अनुभव सुनाए । उनले भने,‘मेरो लागि महानायक पनि उहाँ नै हो र फिल्म क्षेत्रका लागि भगवान पनि उहाँ नै हो । मलाई लाग्छ दर्शकहरुका पनि महानायक राजेश हमाल नै हो ।’