अभिनेता पार्थ सम्राटलाई पनि कोरोना संक्रमण

पछिल्लो दुइदिनमा बलिउडका कलाकाहरुलाई कोरोनाले संक्रमण बढ्न थालेको छ । अमिताभ बच्चन देखि उनका परिवारका चार जनामा कोरोना भएको पुष्टिसँगै अरुमा पनि कोरोना देखिन थालेको हो ।

बलिउड अभिनेता पार्थ सम्राटलाई पनि कोरोना संक्रमण पृष्टी भएको छ । भारतीय टेलिसिरियल ‘कसौटी जिन्दगीका’मा अभिनय गर्दै आएका उनलाई   सुटिङमा आउने जानेक्रममा संक्रमण भएको भारतिय सञ्चारमाध्यले जनाएका छन् ।

उनी सुटिङ कै बेला शरिर अस्वस्थ भएपछि उनलाई अस्पताल भर्ना गरिएको थियो । अस्पताल भर्ना भएका अभिनेता सम्राटलाई कोरोना पोजेटिभ देखिएको हो  ।  उनलाई संक्रमण भएपछि ‘कसौटी जिन्दगीका’को पनि छायांकन रोकिएको छ । अहिले यस सिरियलको सुटिङ अन्योलमा रहेको छ ।

यसअघि भारतीय सिरियल इशकबाजकी अभिनेत्री अदिती गुप्ता पनि कोरोना भाइरसबाट संक्रमित भएकी थिइन् । उनले आफु बिरामी परेसँगै कोरोना परीक्षण गराएको र रिपोर्ट पोजिटिभ आएको सामाजिक संजालबाट नै जानकारी गराएकी थिइन् ।