ऋतिक र आलिया लगायत कलाकारलाई ओस्कारको निमान्त्रणा

ओस्कारले बलिउड अभिनेता ऋतिक रोशन र अभिनेत्री आलिया भट्टलगायत केही भारतीय कलाकारलाई आफुमा आबद्ध हुन आग्ह गरेको छ । हिजो उनीहरुलाई आबद्ध हुन आमन्त्रण गरेको हो । आमन्त्रित कलाकारको सूची समेत एकेडेमीले हालै सार्वजनिक गरेको छ । बलिउडका आमन्त्रण गरिएको ८ सय १९ जनामा डिजाइनर नीता लुल्ला, डकुमेन्ट्री फिल्म मेकर निशा जैन र अमित मधेसिया, कास्टिङ डिरेक्टर नन्दिनी श्रीकांत र टेस जोसेफ, भिजुअल इफेक्ट सुपरभाइजर विशाल आनन्द र सन्दिप कमाल, फिल्म म्युजिक कम्पोजर नैनिता देसाई लगाय रहेको भारतिय सञ्चारमाध्यमले जनाएको छ

‘यी दुवै यसको लायक छन् । ऋतिक र आलिया दुवै एकदमै प्रतिभाशाली सुपरस्टार हुन् । एकेडेमीमा जोडिए त उनीहरुको सम्मान बढ्नेछ ।’ फिल्ममेकर मिलाप झावेरीले ट्विट गर्दै भनेका छन् । त्यस्तै एकेडेमीको अध्यक्ष डेविड रुबिनले यसै मंगलबार एक वक्तव्य, ‘मोसन पिक्चर्स आर्ट र साइन्सेसमा यी सम्पूर्ण प्रतिष्ठित यात्रीहरुलाई स्वागत गर्न पाउँदा एकेडेमीलाई प्रसन्नता भइरहेको छ । ’ लेखिएको थियो । बलिउडका कलाकारका लागि यो सुनौलो अवसर पनि रहेको भारतिय सञ्चारमाध्यममा जनाएका छन् ।