रेखाको फिल्मबाट सौगात यथावत्,दयाहाङ फाइनल हुन बाँकी

अभिनेत्री तथा निर्मात्री रेखा थापाले बनाउन लागेको नयाँ फिल्म भदौँबाट छायांकनमा जाने भएको छ । गत बैशाखबाट नै फिल्म छायाँङ्कनमा जाने भनिएता पनि कोरोना माहामारी र लकडाउनका कारण  फिल्म छायाँङ्कनमा जान सकेका थिएन ।

सविर श्रेष्ठले निर्देशन गर्ने फिल्म ‘ बेनामे ’ भदौबाट फ्लोरमा निस्कने तयारीमा छ । रेखाकाका अनुसार फिल्म इन्डस्ट्रीका हजारौं कलाकार, प्राविधिक तथा अन्य जनशक्तिलाई लामो समय अन्योलमा रहेकाले उनीहरुलाई यति कै राख्न नहुने उनको तर्क छ । उनी भन्छिन्, ‘ प्रयाप्त सावधानी अपनाउँदै चलचित्र निर्माण गर्नुको अरु विकल्प छैन ।’

रेखाको फिल्ममा अभिनेता दयाहाङ राईले फिल्ममा अभिनय गर्ने नगर्ने भनेर आज कथा सुनाइदै छ । यसबारे एकिन हुन सकेको छैन ।   लकडाउन खुलेपछि दया फिल्म ‘दुई नम्बरी’ को बाँकी छायांकनमा लाग्नेछन् । अभिनेता सौगात मल्ल भने यथावत रहेका छन् ।