भुवनको साम्राज्ञीलाई कडा जवाफ : ‘जुन थालमा खाने त्यहि थालमा दुलो पार्ने ’

केहि दिन अगाडी अभिनेत्री साम्राज्ञी राज्यलक्ष्मी शाहले फिल्म क्षेत्रमा आफुलाई निर्माता र निर्देशकले सुटिङका बेला अपशब्द बोल्ने , आक्रोस पोख्ने गरेको बताएकी थिइन् । उनले फिल्म क्षेत्रमा आफुले भोगेको तितो अनुभवलाई सामाजिक सञ्जाल इन्स्टाग्राममा भिडियो शेयर गरेकी थिइन् । उनले त्यो भिडियो सेयर गरे लगत्तै भिडियो भाइरल नै भयो ।

साम्राज्ञीको भिडियो सार्वजनिक भएको केहि दिनमा नै अभिनेता, निर्माता तथा निर्देशक भुवन केसीले आक्रोश पुर्ण तरिकाले स्टाटस लेखेका छन् । आइतबार बेलुका सामाजिक सञ्जाल फेसबुकमा भुवनले साम्राज्ञीलाई लक्षित गर्दै ‘ जुन थालमा खाने त्यही थालमा दुलो पार्ने ’ भन्दै आक्रोस पोखेका छन् ।

उनले फेसबुकमा लेखेका छन्, ‘ खान नपाएको भन्दै सामाजिक सन्जालमा रोई कराई गर्ने हिरोइन अहिले कुन फिल्मको नाम बेचेर खाइरहेकी छिन् ? जुन थालमा खाने त्यही थालमा दुलो पार्ने । सामाजिक सन्जालमा गर्ने बराबर अभिनय फिल्ममा पनि गरे हुने नी !’ अभिनेत्री साम्राज्ञीले भुवन केसीको फिल्म ‘ड्रिम्स्’बाट फिल्म क्षेत्रमा प्रवेश गरेकी थिइन् ।