नेपाल स्टारमा आरतीले बुवा विते, आमाले छोडेको कुरा सुनाउँदा

लकडाउन भएपछि पनि नेपाल स्टारको अडिसन नेपाल टेलिभिजनबाट प्रसारण भइरहेको छ । हिजो प्रसारण भएको नेपाल स्टारको स्टेजमा जाउलाखेल बस्दै आएकी आरती थापाको भनाईले जजको मन त अमिलो बनायो नै हेर्न दर्शकलाई पनि भावुक बनायो । गीत गाउन स्टेजमा चढेकी आरतीलाई जजहरुले के गर्नुहुन्छ भनेर सोधेँ । उनले आफु ब्याचलर पहिलो बर्षमा पढ्दै गरेको कुरा सुनाईन् । त्यस पछि जज रामकृष्णले आमा बुवा कता हुनुहुन्छ भनेर सोध्ने वितिक्कै हुनुहुन्न भनिन् ।

उनले आफु सानै हुँदा बुवा वितेको र आमाले छोडेर गएको कुरा सुनाईन् । अहिले आमासँग भेट हुन्छ त भनेर फेरि जज रामकृष्णले सोधँे तर आमासँग आफ्नो भेट नभएको कुरा बताएपछि सबै जना भावुक भए । प्रतियोगी आरतीले ‘हेर्दा हेर्दै ’ बोलको गीत सुनाईन् । उनले त्यो गीत गाएर नसक्दै जज रामकृष्णले अर्को गीत गाउन आग्रह गरे । उनले निर्धक्कसँग ‘ विहानीको किरणसँग ’ बोलको गीत गाएर सुनाईन् । तर उनको गायनलाई जजहरुले अर्को राउण्डको लागि ढोका खोलिदिएनन् । बरु गिफ्ट ह्याम्पर दिएर पठाइदिए ।