संगीतकार राजनराज शिवाकोटीको अभिनय मोह

फिल्मका गीत होस् या अन्य सबै खालका गीतमा पहिलो समय रुचाइएका गायक हुन् राजनराज शिवाकोटी । उनले गाएका र संगीत गरेका गीतले करोड भ्युज कटाइसकेका छन् । राम्रो गीतकार , संगीतकारका अलवा हिट गायकका रुपमा आफुलाई चिनाएका राजनराज शिवाकोटी अव म्युजिक भिडियोमा पनि देखिने छन् ।

‘तिमी यता म उता‘’ बोलको गीतमा शिवाकोटीले पहिलो पटक अभिनय गरेका हुन् । जसमा गायिका मिलन नेवारले अभिनयमा राजनराजलाई साथ दिएकी छन् । जुन गीत रिलिजको पर्खाइमा रहेको छ ।  गीतको म्युजिक भिडियोको पोस्टर हालै सार्वजनिक गरिएको छ । जसमा मिलन र  राजनराज शिवाकोटीलाई कलात्मक ढंगमा देखाइएको छ ।

राजनराजन शिवाकोटी कै शब्द तथा संगीतमा तयार भएको गीतमा गायिका मिलन नेवार र राजनराजकै गायन रहेको छ । मेरो फिल्मसँगको कुराकानीमा राजनले भने , ‘ मलाई अभिनय गर्न त सानैबाट रहर थियो तर मैले गर्न सक्दिन की भन्ने एक प्रकारको मनमा डर भएका कारण कहिलै अभिनय तिर मन लगाइन ।  अभिनयका लागि यस म्युजिक भिडियोका निर्देशक राजेश पुमा राइ ,गायिका मिलन नेवार र छायाँकार उत्सव दाहालले जोड गरेकै कारण आफुमा अभिनयको उर्जा आएको हो । ’

हालै सार्वजनिक भएको उनको पोस्टरमा हेर्ने हो भने उनी कुनै मोडल भन्दा कम देखिएका छैनन् । संगीतकार राजनको अभिनय भने दर्शकले यहि असार १५ गते दर्शकले देख्न पाउने छन् । राजनराजलाई सबै भन्दा बढि चिनाएको गीत ‘सुर्के थैली खै’ र ‘पूर्व पश्चिम रेल ’ कुटुमा कुटु ’ गोजीमा दाम छैन ’ देखि सिओडब्ल्यू काउ र चरीले काफल टिप्यो लगायत छन् । जुन अहिले पनि उतिकै मात्रामा चर्चामा रहेको छ ।