अन्तरवार्तामा १४ जिल्ला ७२ प्रदेश भनेपछि पुजा विवादमा

नेपाली कलाकारहरु धेरै जसो पढे लेखेकै छन् । पछिल्लो समय अध्ययन गरेकाहरु नै फिल्म क्षेत्रमा आइरहेका छन् । ३ महिना अगाडी एक टेलिभिजनलाई अभिनेत्री पुजा शर्माले दिएको अन्तरबार्ता अहिले सामाजिक सञ्जालमा भाइरल नै भएको छ । जसका कारण उनको अध्ययन बारेमा दर्शकले प्रश्न गर्न थालेका छन् ।

फिल्मकी महँगो कलाकारका रुपमा आफुलाई चिनाएकी पूजाले एक टेलिभिजनको अन्तरवार्ताका क्रममा नेपालमा १४ जिल्ला र ७२ प्रदेश छ भनेपछि उनको यो वाक्य नै अहिले सामाजिक सञ्जाल भाइरल छ । सामाजिक सञ्जालमा उनलाई दर्शकले खुब आलोचना गरिरहेका छन् । ट्रोलको समेत शिकार भइरहेकी छिन् उनी ।स्कुल लेवल मै पढाइ हुने विषयसमेत उनलाई थाहा नहुनु लाजमर्दो भएको भन्दै उनको आलोचना भइरहेको छ । फ्यानहरु व्यंग्य गरिरहेका छन्,  इन्टरटेन्मेन्ट दिने मान्छे भन्दैमा देशको जिल्ला र प्रदेश नै घटबढ गराइदिनु त भएन नि पुजाजी ?