अतित सम्झिदै अभिनेता जिवन लुईटेल

अभिनेता जिवन लुइटेल अमेरिकामा बसोबास गर्न थालेको लामै समय भइसक्यो । उतै रमाइरहेका अभिनेता जिवन लुइटेल निकै समय गुमनाम जस्तै रहे । पछिल्लो समय भने उनी सामाजिक सञ्जालमा सक्रिय देखिन थालेका छन् । कोरोनाका कारण विश्वभर त्रास फैलिरहेका बेला फिल्म क्षेत्र ठप्प जस्तै नै छ । अमेरिकामा रहेका अभिनेता जिवन लुइटेलले सुटिङका क्लिप्सहरूआफ्नै युट्युव च्यालनबाट हालेका छन् ।
उनले हालै बनाएको आफ्नै नामको युट्यव च्यानल जिवन लुइटेलबाट अन्दाज फिल्मको गीतको सुटिङ रिपोर्ट हालेका हुन् ।

उनले नेपाली फिल्ममा फर्कने नफर्कने कुनै जानकारी दिएका त छैनन् । दर्शकले भुल्न थालिसकेको बेला उनले पुराना कुरा सम्झाएका छन् । कवि समेत रहेका जीवनले बेला बेला बेला सामाजिक सञ्जाल फेसबुक मार्फत लाइभ कविता बाचन गर्दै आएका थिए । दर्शकलाई चटक्कै माया मारेर सुख सयल खोज्दै अमेरिका भासिएका जिवनलाई नेपाली फिल्मको माया लकडाउनको बेला लाग्न थालेछ क्या रे ? उनले ‘म तिम्रो भइसके, अन्दाज, लगायत दर्जनौ फिल्ममा अभिनय गरेका थिए । उनको केहि फिल्म मात्र सफल रहेका छन् । असफल हुँदै गएपछि उनमा अमेरिकन नागरिक बन्ने मोह लागेको थियो ।