सुशान्त अभिनित फिल्म ‘दिल वेचारा’ मृत्यु पश्चात प्रदर्शन तयारी

बलिउड अभिनेता सुशान्त सिंह राजपुतको खेलेको फिल्म ‘दिल वेचारा’ उनको मृत्यु पश्चात प्रदर्शन हुने भएको छ । फिल्मको प्रदर्शन मिति समेत घोषणा गरेको छ । फिल्म हल बन्द भएका कारण हलमा नलगाई सिधै डिजिटल प्रविधि मार्फत देखाइएने छ । आज फिल्म निर्माण युनिटले फिल्मको प्रदर्शन मिति आउँदो जुलाई २४ देखि रिलिज गर्ने बताएको छ । जुन डिज्नी प्लस हटस्टारमार्फत् हेर्न सकिने निर्माण पक्षले आज सामाजिक सञ्जाल इन्स्टा लेखेर जानकारी दिएको हो ।

डिज्नी प्लस हटस्टारले इन्स्टाग्राममार्फत् फिल्मको पोस्टर सेयर गर्दै ‘एउटा प्रेम र आशाको कथा । यो फिल्म स्वर्गीय सुशान्त सिंह राजपुतको सम्झना पनि हुनेछ । सधैंका लागि।’ भन्दै फिल्मलाई सबैलाई हेरिदिन आग्रह गरिएको छ ।

गत साता मात्रै मुम्बईस्थित आफ्नै अपार्टमेन्टमा झुण्डिएर आत्महत्या गरेका सुशान्तले अभिनय पुरा गरेको अन्तिम फिल्म नै ‘दिल बेचारा’ बन्न पुगेका छन् भने आधा दर्जन फिल्म अधुरै रहेका छन् ।  यस फिल्ममा सुशान्तसँगै सञ्जना सांघीको केन्द्रिय भूमिका अभिनय गरेका छन् । जुन फिल्मलाई मुकेश छाब्रा निर्देशित गरेका हुन भने फिल्म ‘दिल वेचारा’ हलिउड फिल्मको ‘द फल्ट इन आवर स्टार्स’ को रिमेक भएको बताइएको छ ।