प्यारोडी गीत ‘बेसार पानी’ सार्वजनिक

प्रधानमन्त्री केपि शर्मा ओलीले पटक पटक कोरोना भाइरसको औषधिको रूपमा प्रयोग गर्न ‘बेसार’ सुझाएका छन् । उनको हास्यास्पद अभिव्यक्ति सामाजिक संजालमा मात्रै भाइरल भएन गीतको रूप पनि पाएको छ । उनको शब्द ‘बेसार पानी’ सापटी लिँदै एक प्यारोडी गीत सार्वजनिक भएको छ ।

गीतमा प्रदिप त्रिपाठी, किशोर नेपाली र प्रदिप तिवारीको स्वर रहेको छ । गीतमा यी ३ जनाले शब्द संकलन तथा संगीत भरेका छन् । तारानाथ आचार्यले संगीत संयोजन गरेका छन् । ब्याण्ड सहित छायांकन गरिएको भिडियोलाई गणेश सापकोटाले खिचेका हुन् भने भिडियो निर्देशन गायकहरूकै रहेको छ । भिडियो सम्पादन सुवास अमगाईले गरेका हुन् ।