युट्युवमा फिल्म ‘धुलो’

प्रधुम्न मिश्र निर्देशित फिल्म ‘धुलो’ युट्युवमा सार्वजनिक भएको छ । फिल्म प्रदर्शनको ४ महिना समेत पुरा नहुँदै फिल्म युट्युवमा हालिएको हो ।

सामाजिक बिषयमा निर्माण गरिएको फिल्ममा एक रिक्सा चालकको सपना, संघर्ष र जीवनशैलीलाई प्रस्तुत गरिएको छ । फिल्ममा बुद्धि तामाङ, अग्रज केसी, सृजना सुब्बा, प्रधुम्न मिश्र, दामोदर गजुरेल, अमृता पाण्डे, बालकलाकार सुदीप कार्की मुख्य भूमिकामा रहेका छन् । त्यस्तै फिल्ममा नीर शाह, सुसील पोखरेल र लक्ष्मी बर्देवाको पनि बिशेष भूमिका रहेको छ । सिके वाग्लेको प्रस्तुति रहेको फिल्मलाई लक्ष्मी गौतम र नानीराम फुँयालले निर्माण गरेका हुन् । दीपा धरेल फिल्ममा सहनिर्माताको रुपमा छिन् । सुवास सिंह बस्न्यातको लेखन, रबिन आचार्यको छायांकन र अर्जुन जिसीको सम्पादन रहेको फिल्मको गीतको कोरियोग्राफी कबिराज गहतराज र रामजी लामीछानेले गरेका हुन ।