मनोज गजुरेलद्वारा पर्वतका पहिरो पीडित उद्धारको माग

पर्वत जिल्लामा शनिबार पछिको अविरल बर्षाका कारण पहिरो गएको छ । पहिरोमा पुरिएका ९ जनाको शव सोमबारसम्म फेला परेको छ । पुरिएका १० मध्ये ९ जनाको शव फेला परेको हो । मृत्यु भएका ९ जना दुई परिवारका रहेका छन् । बर्षा अझै सम्म रोकिएको छैन ।

यस विषयमा हास्यकलाकार मनोज गजुरेलले एक पोष्ट सार्वजनिक गर्दै दुख ब्यक्त गरेका छन् । महामारीको समयमा पहिरोको समेत त्रास बढेको उनी लेख्छन् । वर्षा भर्खर भित्रिदै गर्दा सुरु भएको यो दुर्दशा छ अझ कति भोग्न पर्ने हो, भन्दै उनी पिडितको उद्धार र राहतमा ध्यान दिन आग्रह गर्छन । सबै समस्यासंग जुध्न राष्ट्रिय एकता कायम गर्न उनको आग्रह छ।