कति विघ्न कामुकता : फिल्मकर्मी नवल नेपाल

क्वारेन्टाइनमा रहेकी एक ३१ बर्षिया महिला बलात्कृत भएकी छन् । स्वयंसेवक र स्वास्थ्यकर्मीले नै उनलाई बलात्कार गरेका थिए । ३ जनालाई प्रहरी नियन्त्रणमा राखेर अनुसन्धान समेत थालिएको छ । एक जनाले भने भिडियो समेत खिचेको र केही बोलेमा बेइजत गरिदिने  धम्की दिएको पिडित महिलाले बताएकी छन् ।

यसै विषयमा फिल्मकर्मी नवल नेपालले आक्रोस ब्यक्त गर्दै एक पोष्ट सार्वजनिक गरेका छन् । उनले आफ्ना घरका आमा दिदी बहिनिको अनुहार समेत याद आएन भन्दै लेखेका छन्, ‘कुन हद सम्मको कामुकतामा बाचेका छौ ?’ उनले पीडकलाई जन्मकैदको माग राख्दै पिडितको स्वास्थ्यलाभको कामना गरेका छन् ।

निदेशक नेपाल महिलाकेन्द्रित फिल्ममा विशेष रुची राख्ने गर्छन् ।