कोरोना सम्बन्धि फिल्म बनाउँदै सुदर्शन थापा

निर्देशक सुदर्शन थापाले नयाँ फिल्मको तयारी गरिरहेका छन् । लकडाउनको समयमा उनी भने स्क्रिप्टको काममा ब्यस्त रहेका छन् । स्क्रिप्ट अन्तिम चरणमा रहेको र फिल्मको विषय कोरोना भाइरस रहने बताइएको छ । स्क्रिप्टको काम सकिनासाथ अडिसन मार्फत कलाकार छान्ने टिमको तयारी रहेको छ ।

उनका दुई फिल्म सम्हालिन्छ कहिले मन र म यस्तो गीत गाउछु २ तयार रहेका छन् । तर लकडाउनका कारण फिल्म हल बन्द भएको कारण कहिलेबाट प्रदर्शनमा आउने भन्ने टुंगो लाग्न सकेको छैन । यी दुई फिल्मको प्रदर्शन मिति तय गरेर नयाँ फिल्म फ्लोरमा जाने बताइएको छ ।