भोलीको विरोध प्रदर्शनमा निशा अधिकारी सहभागी नहुने

फेसबुक ग्रुप ‘इनफ इज इनफ’ ले शुरु गरेको सरकारको बिरोध प्रदर्शनमा उक्त ग्रुपकी मोडरेटर रहेकी नायिका निशा अधिकारी भोली उपस्थित नहुने भएकी छन् । भोलीनै सरकारले १ बजे लिपुलेक,लिम्पियाधुरा सहितको निसानछाप पारित गर्ने कार्यतालिका तय गरेको छ । सरकारको निर्णयको समर्थन गर्दै उनले भोली आफु सहभागी नहुने बताएकी हुन् । साथै सोही समयमा माइतीघर मण्डलामा नै सरिता गिरी समर्थको समेत कार्यक्रम रहेको तर्फ इंगित गर्दै उनले अन्य पार्टीको समेत कार्यक्रम भएकोले पनि आफ्नो उपस्थिति नरहने बताएकी छन् । तर आफ्नो समर्थन भने कायम नै रहने उल्लेख गरेकी छन् ।

सम्भावित दंगा र स्वार्थ बोकेका मान्छेको उपस्थिति हुने भयका कारण एक पछि अर्को गर्दै कलाकारहरु पछि सर्न थालेका छन् । यसै विषयमा एक भिडियो सार्वजनिक गर्दै भ्लगर शिसन बानियाले समेत आफु सहभागी नहुने जनाईसकेका छन् ।