कास्टिङ निर्देशक कृष कपुरको निधन

भारतीय कास्टिङ निर्देशक कृष कपुरको मृत्यु भएको छ । २८ वर्षका उनको बिहिबार ब्रेन ह्यामरेजका कारण निधन भएको भारतीय संचार माध्यममा खबर छ । उनी एक्कासि बेहोस भएका र केही समयमा नै मृत्यु भएको बताइएको छ । पारिवारिक श्रोतका अनुसार उनको नाकबाट एक्कासि रगत बगेपछि बेहोस भएका थिए ।

फिल्म ‘जलेबी’बाट उनले चर्चा कमाएका थिए । उनले महेश भट्टको ‘वीरे की वेडिंग’मा पनि काम गरेका थिए । कपुरको श्रीमती र सात वर्षीय एक सन्तान रहेका छन् ।