अक्षय कुमारले गरे कलाकारलाई सहयोग

भारतीय अभिनेता अक्षय कुमारले फिल्म तथा टिभी कलाकार एसोसिएशनमा ४५ लाख रुपैयाँको आर्थिक सहयोग गरेका छन् । उनले जुनियर कलाकारहरुलाई सहयोग गर्नका लागि  आर्थिक सहयोग गरेका हुन् । यससँगै उनले पीपीई किट्स र मास्क समेत बाँडेका छन् ।

एसोसिएशनले अक्षयलाई १५०० जनाको नामसूची पठाएपछि उनले १५०० जनाको लागि ४५ लाख रकम दिए र सबैको बैंक खातामा तीन/तीन हजार रुपैयाँ रकम ट्रान्सफर भएको थियो । अक्षय कुमारले कोरोना भाइरस संक्रमणको समयमा मानिसहरुको सहयोग गर्दै आइरहेका छन् । केही समय अघि पनि उनले प्रधानमन्त्री नरेन्द्र मोदीको केयर्स फण्डमा २५ करोड रुपैयाँ जम्मा गरिदिएका थिए ।