ट्विटर ‘ट्रेण्डिङ नम्बर एक’ मा मनिषा कोइराला

मनिषा कोइरालालाई सामाजिक संजाल प्रयोगकर्ताले ट्रेण्डिङमा पार्न सफल भएका हुन् । उनी र उनको समर्थनमा सामाजिक संजालमा पोष्ट गरिएका सामग्री ट्रेण्डिङ नम्बर वानमा परेका हुन् । नेपाली सामाजिक संजाल प्रयोगकर्ताले उनको समर्थन गर्दै ठुलो संख्यामा पोष्ट गरेको कारण उनी सम्बन्धित पोष्टले ट्वीटरमा पहिलो स्थान पाउन सफल भएको हो । सामाजिक संजाल ट्वीटर ह्यान्डलमा ‘ह्यासट्याग आइ एम विथ मनिषा कोइराला’ ट्रेण्डिङ नम्बर एकमा पर्न सफल भएको छ ।

लिपुलेक र लिम्पियाधुरा समेटेर नेपालमा नक्सा सार्वजनिक गरिएको थियो । यो विषयको समर्थनमा उनले ट्वीटरमा एक पोष्ट सार्वजनिक गरेकी थिइन् । उक्त पोष्ट सार्वजनिक भएसंगै भारतीय संचारमाध्यममा उनको चौतर्फी बिरोध भयो । तर नेपालमा भने अधिकांशले उनको खुलेर समर्थन गरिरहेका छन्।

लामो समयबाट विवादित रहदै आएको उक्त क्षेत्रमा भारतले बाटो बनाएर उद्घाटन समेत गरे पछि नेपाल सरकारको चासो बढेको थियो।

Thank you for keeping the dignity of our small nation..we all are looking forward for a peaceful and respectful dialogue between all three great nations now ? https://t.co/A60BZNjgyK

— Manisha Koirala (@mkoirala) May 18, 2020