रास्ट्रभक्तिको गीत ‘जित्छौ हामी’ (भिडियो)

गीत ‘जित्छौँ हामी’ सार्वजनिक भएको छ । कोरोना कहरबीच देश नै लकडाउनमा रहेको बेला तथा देशको सीमा अतिक्रमणको मुद्दा चर्किरहेको बेला यो राष्ट्रभक्ती गीत सार्वजनिक भएको हो ।

कोरोना भाईरसको समयमा कतिले आफन्त गुमाएका छन्, कति अस्पतालको शैयामा संघर्ष गरिरहेका छन्, कतिले रोजगार गुमाएका छन् भने सबै त्रशितस्थितिमा जीवन गुजार्दै छन् । कतिले भने त्राशको बीच पनि काम गर्नु परिरहेको छ । यसैबीच सार्वजनिक यस गीतले हौसला दिने काम गरेको छ । रोगसँग मात्र नभएर अतिक्रमणमा परेको नेपालको भूमि फिर्ता ल्याउन समेत यस गीतले हौसला दिने गीतका रचनाकार संजोक बश्यालले बताएका छन् ।

गीतमा बिनोद बानियाको स्वर तथा संगीत रहेको छ । संजोक र बिजय बश्यालले निर्देशन गरेको गीतमा नेताहरु बाबुराम भट्टराई, कोमल ओली, पृथ्वीसुब्बा गुरुंग, खेलाडीहरु अनिल गुरुंग, सिपोरा गुरुंग, साबित्री भण्डारी, कलाकारहरु अनुप बराल, दिया मास्के, राजबल्लभ कोइराला, माओत्से गुरुंग, प्रकाश घिमिरे, निराजन प्रधान, मिलन शंकर, शाहिल खान, कवि तिर्थ श्रेष्ठ, साहित्यकार सरस्वती प्रतिक्षा लगायतको अभिनय रहेको छ ।