प्रदर्शन तयारीमा छोटो फिल्म ‘झड्केलो’

किरण नेपालीको निर्माण तथा प्रस्तुतिमा छोटो फिल्म ‘झड्केलो’ सार्वजनिकको चरणमा पुगेको छ । नेपाली समाजमा महिलाले दोश्रो विवाह गरेर जादा पहिलो श्रीमान तर्फको सन्तानलाई पछिल्लो श्रीमानले ‘झड्केलो’ भन्ने गरिन्छ । शिर्षकले नै कथाले यहि विषय बोल्ने तर्फ संकेत गरेको छ ।

एक घण्टा ८ मिनेटको छोटो फिल्मको मुख्य भूमिकामा प्रसान्त भण्डारी रहेका छन् । लकडाउन अगाडी नै छायांकन गरिएको फिल्मको सम्पादनको काम सकेर सार्वजनिक गरिएको हो । राज बहादुर सानेको लेखन तथा निर्देशन रहेको फिल्ममा पृथ्वीराज प्रसाईं, किशोर खतिवडा, अर्जुन गुरुङ, नविन रेग्मी, सतिश खत्री, दामोदर खतिवडा, सानिया खान, संगीता नापित, प्रिया रिजाल र हिवाला गौतमको अभिनय रहेको छ । फिल्ममा श्रीकृष्ण परियारको नृत्य, सीडी विजय अधिकारी र पुरुषोत्तम न्यौपानेको संगीत, शंकर महर्जनको द्वन्द, जयराम थापाको छायांकन र तारा थापा ‘किम्भे’ को सम्पादन रहेको छ ।