लकडाउनबीच कलाकार मनमीतले गरे आत्महत्या

टिभीको शो ‘आदत से मजबुर’ का अभिनेता मनमीत ग्रेवालले आत्महत्या गरेका छन् । ३२ बर्षिय मनमीतले शुक्रबार राती पासो लगाएर आत्महत्या गरेका हुन् । श्रीमती संग मुम्बई बस्दै आएका उनी पछिल्लो समय धेरै चिन्तित थिए । लकडाउनका कारण कमाइ भएको थिएन भने उनको टाउकोमा पहिलाबाट नै धेरै ऋण रहेको भारतीय संचार माध्यमले जनाएका छन् । उनलाई भाडा तर्न समेत समस्या भएको उल्लेख गरिएको छ ।

पतिको झुण्डीरहेको शरीर देखेर पत्नीले सहयोग माग्दा मानिसहरु नजिक आउन डराए । कोरोना भाइरसको कारण मानिस सामाजिक दुरी कायम गरेर बसिरहेका छन् । केही समयमा पुगेका डाक्टर र पुलिसले समत उनलाई छुन मानेनन् । अन्तत बिल्डिंगका गार्डले पासो लगाएको सल काटे र उनलाई अस्पताल पुर्याईयो । अस्पतालमा उनलाई मृत घोषित गरियो ।