निकिता अभिनित ‘रानीमहल’ टिजर

फिल्म ‘रानीमहल’ को टिजर सार्बजनिक गरिएको छ । केही दिन अघि मात्रै फिल्मको पोस्टर सार्वजनिक भएको थियो । स्वस्तिक फिल्मस् को ब्यानरमा बिमल भुसालले निर्माण गरेको यस फिल्ममा दिपक पौडेलको पटकथा तथा सम्बाद, निरज कंडेलको छायांकन र हिमाल के. सी. को द्वन्द निर्देशन रहेको छ । त्यस्तै फिल्ममा हर्कुलस बस्नेत, अर्जुन पोखरेल, हरि लम्साल र निम संगीतको संगीत रहेको छ । फिल्ममा प्रितम राज सेन्चुरी, मिस नेपाल निकिता चांडक, साहिल श्रेष्ठ, मानस्वी खरेल, निर शाह, बि. एस. राणा, अर्जुन जंग शाही, दिपक क्षेत्री, सुष्मिता के. सी., रश्मि भट्ट, आर. बि. पन्त, बिष्णु सापकोटा, भोला शाह लगायतको अभिनय रहेको छ ।

हिमाल न्यौपाने निर्देशित यस फिल्मको करिब २० प्रतिशत मात्र छायांकन भएपछि काम ठप्प भएको थियो । फिल्मको २० प्रतिशत छायांकन सकिदा पुरा फिल्मको बजेटनै सकिए पछि निर्माण व्यवस्थापक र निर्माता बीच मनमुटाव भएको थियो । आर्थिक हिनामिना भएको भन्दै निर्माता र निर्माण व्यवस्थापक बीच आरोप-प्रत्यारोपनै चलेको थियो ।