‘रानीमहल’ को फर्स्ट लुक पोस्टर सार्बजनिक, टिजर पनि छिट्टै आउँदै

लामो समय अघि देखि रोकिएको फिल्म ‘रानीमहल’ को फर्स्ट लुक पोस्टर सार्बजनिक गरिएको छ । पोस्टरमा फिल्मका मुख्य कलाकारहरु प्रितम राज सेन्चुरी, मिस नेपाल निकिता चांडक, साहिल श्रेष्ठ र मानस्वी खरेललाई देखाईएको छ । मे १५ मा फिल्मको टिजर पनि सार्बजनिक गरिने जानकारी दिईएको छ ।

स्वस्तिक फिल्मस् को ब्यानरमा बिमल भुसालले निर्माण गरेको यस फिल्ममा दिपक पौडेलको पटकथा तथा सम्बाद, निरज कंडेलको छायांकन र हिमाल के. सी. को द्वन्द निर्देशन रहेको छ । त्यस्तै फिल्ममा हर्कुलस बस्नेत, अर्जुन पोखरेल, हरि लम्साल र निम संगीतको संगीत रहेको छ । फिल्ममा प्रितम, निकिता, साहिल र मनस्वीको अलावा निर शाह, बि. एस. राणा, अर्जुन जंग शाही, दिपक क्षेत्री, सुष्मिता के. सी., रश्मि भट्ट, आर. बि. पन्त, बिष्णु सापकोटा, भोला शाह लगायतको अभिनय रहेको छ ।

हिमाल न्यौपाने निर्देशित यस फिल्मको करिब २० प्रतिशत मात्र छायांकन भएपछि काम ठप्प भएको थियो । फिल्मको २० प्रतिशत छायांकन सकिदा पुरा फिल्मको बजेटनै सकिए पछि निर्माण व्यवस्थापक र निर्माता बीच मनमुटाव भएको थियो । आर्थिक हिनामिना भएको भन्दै निर्माता र निर्माण व्यवस्थापक बीच आरोप-प्रत्यारोपनै चलेको थियो । त्यहि कारणले रोकिएको लामो समय भइसक्दा पनि छायांकन सुचारु हुन सकेको छैन ।