राणा दग्गुबातीको विवाह आउँदो डिसेम्बरमा हुने

‘बाहुबली’ अभिनेता राणा दग्गुबातीले मंगलबार अकस्मात डिजाइनर मिहिका बजाजसंगको इन्गेजमेन्ट बारे एक पोष्ट गरेका थिए । त्यस लगत्तै राणाका पिता सुरेश बाबुले हैदरावाद टाइम्ससंग कुरा गर्दै राणा-मिहिकाको विवाह यहि वर्षको डिसेम्बरमा हुने बताएका छन् । उनले महामारीको बेलामा राणाको विवाहको कुराले परिवारमा खुसियाली ल्याएको बताएका छन् । सुरेश बाबुले सबै कुरा ठिक भएमा डिसेम्बर भन्दा पहिल्यै पनि विवाह हुन सक्ने बताएका छन् ।

मंगलबार राणाले आफ्नो र मिहिकाको फोटो ट्वीटरमा पोष्ट गर्दै आफुले मिहिकालाई प्रस्ताव गरेको र मिहिकाले प्रस्ताव स्वीकारेको लेखेका थिए । उनीहरु लामो समयदेखि प्रेम सबंधमा थिए ।

अभिनेता राणाका ‘हाथी मेरे साथि’ र ‘बिरटापर्वम’ प्रदर्शनको लागि तयार अवस्थामा रहेका छन् । ‘हाथी मेरे साथि’ मा राणाको अलावा पुलकित सम्राट, जोया हुसेन र श्रिया पिलगांवकरको पनि मुख्य भूमिका रहेको छ । फिल्ममा जंगल बिनाश गर्न खोज्नेहरु सँग राणा लड्नेछन । प्रभु सोलोमन निर्देशित फिल्म अप्रिल २ मा तमिल, तेलुगु र हिन्दि भाषामा रिलिज हुने भनिएको थियो तर कोरोना महामारीको कारण स्थगित भएको छ । त्यस्तै भेनु उडुगाला निर्देशित फिल्म ‘बिरटापर्वम’ नक्शल मुभमेन्ट सम्बन्धि कथामा आधारित रहेको छ ।