‘पिके’ अभिनेता साई गुन्देवरको ४२ वर्षको उमेरमा निधन

भारतीय अभिनेता साई गुन्देवरको ४२ वर्षको उमेरमा निधन भएको छ । क्यान्सर संगको एक वर्ष लामो संघर्ष पछि मंगलबार अमेरिकामा उनको निधन भएको हो । उनि क्यान्सरको उपचारको लागि अघिल्लो वर्ष लस एन्जेलस गएका थिए ।

उनले आमिर खानको ‘पिके’, सैफ अलि खानको ‘बाजार’, ‘रक अन’, ‘युवराज’ लगायतका फिल्महरुमा अभिनय गरेका थिए । उनि सन् २०१० मा एमटिभी स्प्लिट्सभिल्लामा भाग लिए पछि चर्चामा आएका थिए । उनि अमेरिकी रियालिटी शो ‘सर्भाइभर’ को भारतीय संस्करणमा पनि देखिएका थिए । उनले केहि बिज्ञापनहरुमा पनि काम गरेका छन् । उनि स्वस्थ खाना डेलिभरी गर्ने सेवा ‘फ़ुडिज्म’ का सह-संस्थापक पनि हुन् ।