‘बाहुबली’ अभिनेता राणा दग्गुबाती डिजाइनर मिहिका बजाजसंग प्रेममा

‘बाहुबली’ अभिनेता राणा दग्गुबातीले मंगलबार अकस्मात डिजाइनर मिहिका बजाजसंगको प्रेम सम्बन्धको खबर बाहिर ल्याएका छन् । राणाले आफ्नो र मिहिकाको फोटो ट्वीटरमा पोष्ट गर्दै आफुले मिहिकालाई प्रस्ताव गरेको र मिहिकाले प्रस्ताव स्वीकारेको लेखेका छन् ।

उनिहरुको भेट र सम्बन्धबारे यस अघि खासै समाचारहरु बाहिरिएका थिएनन् । मिहिका पेशाले एक इन्टेरियर डिजाइनर हुन् । उनले भर्खरै ‘ड्यु ड्रप डिजाइन स्टुडियो’ नामको इभेन्ट कम्पनि पनि खोलेकी छिन् ।

And she said Yes 🙂 ❤️ pic.twitter.com/iu1GZxhTeN

— Rana Daggubati (@RanaDaggubati) May 12, 2020

अभिनेता राणाका ‘हाथी मेरे साथि’ र ‘बिरटापर्वम’ प्रदर्शनको लागि तयार अवस्थामा रहेका छन् । ‘हाथी मेरे साथि’ मा राणाको अलावा पुलकित सम्राट, जोया हुसेन र श्रिया पिलगांवकरको पनि मुख्य भूमिका रहेको छ । फिल्ममा जंगल बिनाश गर्न खोज्नेहरु सँग राणा लड्नेछन । प्रभु सोलोमन निर्देशित फिल्म अप्रिल २ मा तमिल, तेलुगु र हिन्दि भाषामा रिलिज हुने भनिएको थियो तर कोरोना महामारीको कारण स्थगित भएको छ । त्यस्तै भेनु उडुगाला निर्देशित फिल्म ‘बिरटापर्वम’ नक्शल मुभमेन्ट सम्बन्धि कथामा आधारित रहेको छ ।