विकास बोर्ड अध्यक्षको लागि कलाकार भीमा मैनालीले पनि दिईन् आवेदन

कलाकार भीमा मैनालीले चलचित्र विकास बोर्डको अध्यक्ष पदको लागि आवेदन दिएकी छिन् । यो पटक न्युनतम योग्यता घटाइएकोले कसैलाई लक्षित गरेर त्यस्तो गरिएको हो की भन्ने ठानेर केहि दिन अघि सम्म उनि आवेदन दिने नदिने दोधारमा थिईन् । अघिल्लो पटक पनि आवेदन दिएकी उनले मेरोफिल्म संग कुरा गर्दै त्यतिबेला आफुले पेश गरेको कार्ययोजना सबैभन्दा उत्कृष्ट बनेको दाबि पनि गरेकी छिन् ।

२० वर्ष भन्दा अघि देखि कलाकारितामा सक्रिय काभ्रेकी भीमा मैनालीले ‘थोरै भए पुगीसरि’, ‘जीवनचक्र’ लगायतका टेलीशृंखलाहरु साथै थुप्रै फिल्महरुमा पनि अभिनय गरेकी छिन् । उनी रेडियो तथा टेलिभिजन कार्यक्रमहरु पनि चलाउँछिन् ।