‘अमेरिकन आइडल’ को उत्कृष्ट ७ मा पर्न सफल भए दिवेश पोखरेल

अमेरिकी गायन रियालिटी शो ‘अमेरिकन आइडल’ मा प्रतिस्पर्धा गरिरहेका नेपाली युवा दिवेश पोखरेल (आर्थर गन) उत्कृष्ट ७ मा पर्न सफल भएका छन् । २३ वर्षीय दिवेशले ‘लिटल मरमेड’ को ‘किस द गर्ल’ गीत गाएका थिए ।

उनले गीतमा केहि आफ्नोपन पनि देखाएका थिए भने केहि ट्वीस्टहरु पनि दिएका थिए । सबै जजले उनको प्रस्तुति मन पराएका थिए । उत्कृष्ट ७ मा पर्न सफल भए पछि उनले आफुलाई समर्थन गर्ने सबैलाई धन्यबाद दिएका छन् ।

दिबेश संगै जस्ट साम, जोनी वेस्ट, लुइस नाइट, जुलिया गार्गानो, फ्रान्सिस्को गार्गिन र डिलोंन जेम्स १८ औँ संस्करणको ‘अमेरिकन आइडल’ को उत्कृष्ट ७ मा पर्न सफल भएका छन् ।

५ वर्षअघि नेपालबाट अमेरिका गएका दिवेश हाल सपरिवार क्यान्सस राज्यको विचिटामा बसोबास गर्दै आइरहेका छन् । उनलाई उत्कृष्ट ५ को बलियो दावेदारको रुपमा हेरिएको छ ।