दिवेशको समर्थनमा सडकमा देखिइन् ९३ वर्षिया हजुरआमा

दिवेश पोखरेलकी हजुरआमा काठमान्डौको सडकमा देखिएकी छन् । अमेरिकन आइडलको प्रतिस्पर्धामा रहेका दिवेश पोखरेलको लागि समर्थन जुटाउन उनकी ९३ वर्षीया हजुरआमा काठमाडौंको सडकमा समर्थन र्यालीमा सहभागी भएकी हुन् । शनिबार बिहान दिवेश पोखरेलकी हजुरआमासहित स्थानीयहरुले कलंकी मन्दिर परिसरमा ब्यानर प्रदर्शन गरेका थिए ।

आइडलको टप टेनमा परेका नेपाली ठिटो दिवेश पोखरेलको समर्थनमा काठमाडौँमा ब्यानर प्रदर्शन गरिएको थियो । आफ्नो गायन प्रतिभाले दर्शकको मन जितेका युवा पोखरेल आज आइतबार हुने टप सेभेनका लागि बलियो प्रतिस्पर्धी मानिएका छन् ।