हलमा नलाग्दै डिसहोममा फिल्म ‘कोपिला’

निर्मला पन्तको बलात्कारपछि भएको हत्याको विषयमा बनेको फिल्म ‘कोपिला’ डिसहोम च्यानल मार्फत प्रर्दशनमा आउने भएको छ । फिल्म बैशाख ३० गते बाट डिसहोम च्यानल नम्बर १०८ मार्फत ८ शो हेर्न पाउने भएका हुन् । फिल्मलाई हलमा लगाउनु अगावै डिसहोमबाट प्रदर्शन गर्न लागिएको हो ।

फिल्ममा रामेश्वर कार्कीको छांयाकन, समिर मियाको सम्पादन र दीपक शर्माको संगीत रहेको छ । शिवम् अधिकारीको लेखन तथा निर्देशनमा बनेको फिल्ममा सरिता गिरी, गणेश गिरी र सन्जिवनी खरेलसंगै प्रकृती खरेल, ऋद्धिचरण श्रेष्ठ, विमल पौडेल, पुष्प आचार्य, सुशान्त श्रेष्ठ, अस्मिन घिमिरे, अस्मिता जुरेली, प्रतिक्षा खड्का, राखी क्षेत्री लगायतको अभिनय रहेको छ । गणेश गिरिको प्रस्तुति रहेको कोपिलालाई संचारकर्मी मणिराज गौतमले निर्माण गरेका हुन् भने कार्यकारी निर्मातामा सुबास काफ्ले तथा निर्मातामा समिर मिया र रामेश्वर कार्की समेत रहेकाछन् ।