राजकुमार हिरानिको फिल्ममा शाहरुख र सलमान !

बलिउड अभिनेताहरु शाहरुख खान र सलमान खानले राकेश रोशन निर्देशि सन् १९९५ को फिल्म ‘करण अर्जुन’ मा संगै काम गरेका थिए । फिल्म ब्लकबस्टर साबित भएको थियो । ‘कुछ कुछ होता हे’ मा सलमानले छोटो भूमिका गरेका थिए उक्त फिल्म पनि सफल रहेको थियो । त्यस्तै दुबैको अभिनय रहेको ‘हम तुम्हारे हे सनम’ पनि दर्शकहरुले मन पराएका थिए । त्यसपछी भने उनिहरु एक अर्काको फिल्ममा (‘ओम शान्ति ओम’, ‘ट्युबलाइट’ र ‘जिरो’) अथिति भूमिकामा मात्र देखिएका छन् । दर्शकहरु भने उनीहरुलाई एउटै फिल्ममा हेर्न आतुर छन् । संजय लीला भन्सालीले दुवैले लिएर फिल्म बनाउने कुरा गरेपछि दर्शकहरु खुशी भएका थिए तर पछि फिल्मनै नबन्ने भयो ।

हालै निर्देशक राजकुमार हिरानीले आफुले दुई जना अभिनेता मुख्य भूमिकामा रहेको स्क्रिप्ट लिएर शाहरुख खानलाई प्रस्ताव गरेको बताएका छन् । उनले फिल्म समिक्षक राजीव मसंदसंग उक्त रहस्य खोलेका हुन् । हिरानीले एउटा भूमिका शाहरुख खान र अर्को भूमिका सलमान खानको लागि सोचेका थिए । तर शाहरुखले आफु सोलो हिरो भएको फिल्म गर्न चाहेकोले हिरानीले अर्कै कथामा फिल्म गर्ने निर्णय गरेका थिए । ‘जिरो’ को असफलता पछि शाहरुख निकै सोच विचार गरेर मात्र नयाँ फिल्म गर्ने सोचमा छन् ।

अहिले राजकुमार हिरानी आफ्नो नियमित सहकर्मी लेखक अभिजित जोशीसंग मिलेर शाहरुखको लागि फिल्मको स्क्रिप्ट लेखिरहेका छन् । उनले स्क्रिप्टको प्रत्येक ड्राफ्ट शाहरुखलाई दिन्छन् र शाहरुखले त्यसमा आफ्नो प्रतिक्रिया दिने गरेका छन् । तर हिरानीले स्क्रिप्ट लक्ड भए पछि मात्र फिल्मको आधिकारिक घोषणा गर्ने सोचेका छन् र घोषणालाई लिएर शाहरुख खानलाई पनि कुनै हतार देखिदैन ।